| Ydych chi’n cael anhawster i ddarllen y cylchlythyr yma? Cliciwch yma i’w weld yn eich porwr. Rydych yn derbyn y cylchlythyr yma o ganlyniad i danysgrifiad o’n safle wê. Cliciwch yma i orffen eich tanysgrifiad. |
 |
 |
If you would like to receive future copies of this email in English, please click here. Mis yma: Beth am argraffu copi? Gallwch lawrlwytho copi PDF o’r llythyr gweddi yma yn Gymraeg neu Saesneg. Beth am argraffu copi ar gyfer eich cyrddau gweddi, neu i gadw yn eich Beibl? 
|
|
|
Mae llawer y gallwn ddiolch i Dduw amdano. Ymunwch â ni i ddiolch i’r Arglwydd am… Llwyddwyd i gyflawni llawer yn ystod yr ymgyrch. Rhannwyd dros 2,500 o daflenni yn egluro’r efengyl; curwyd ar gannoedd o ddrysau a phregethwyd yr efengyl mewn sawl cyfarfod a’i rhannu â llawer o bobl. Parhewch i weddïo dros Gristnogion yn yr holl eglwysi yn ardal Caernarfon, ar iddynt gael eu cadarnhau yng ngwaith yr efengyl. Cynadleddau Undydd y Gweinidogion Daeth dros gant o weinidogion ynghyd yn y de a’r gogledd i brofi cymdeithas ac i wrando ar Edward Donnelly yn annerch ar ‘Ddarganfod Crist yn yr Hen Destament’. (Mae copïau o’r anerchiadau ar gael oddi wrth MEC, Bryntirion, Pen-y-bont ar Ogwr, CF31 4DX, Ffôn: 01656 655886) Cwrs Hyfforddi Diwinyddol MEC (Saesneg) Ymgasglodd dros ugain o ddynion dros y Pasg i dderbyn hyfforddiant o dan arweiniad cyfarwyddwr newydd y cwrs, y Parch. Stephen Clark, a gwerthfawrogwyd y cyfnod astudio’n fawr. Cawsom ein calonogi gan adroddiadau o ymgyrchoedd mewn sawl man. Bu Roger Carswell mewn ymgyrch yn Eglwys Bedyddwyr Saesneg yr Wyddgrug yn ddiweddar a thystiodd fod nifer sylweddol yno yn ymholi, a rhai wedi proffesu ffydd. 
Er ei bod yn gyfnod anodd yn fasnachol, mae gwaith ein siopau llyfrau’n parhau a chawsom ein calonogi mewn sawl ffordd. Yn ystod 2007 dosbarthwyd tua 100,000 o lyfrau, cardiau, tractiau a darnau eraill o lenyddiaeth. Mae siop lyfrau a choffi Manna yn Wrecsam yn gwasanaethu 1,200 o bobl bob mis. Ceir sawl sgwrs fuddiol gydag unigolion anghenus, yn cynnwys rhai sy’n gaeth i gyffuriau a rhai o grefyddau eraill. Daeth dros gant o bobl ynghyd i Langrannog ar gyfer menter newydd yn y Gymraeg, o dan arweiniad y Parch. Meirion Morris. Bu Peter Hallam yn cynrychioli MEC fel rhan o’r pwyllgor trefnu. Mae cam cyntaf gwefan newydd MEC (Cymraeg a Saesneg) bellach yn weithredol. Gobeithiwn ychwanegu mwy o ddeunydd yn ystod y misoedd nesaf. Mae’r Bwrdd Rheoli newydd bron yn gyflawn. Mae’r rhai a wahoddwyd i ymuno â’r Bwrdd wedi derbyn, yn weddigar, ond yn frwd. Mae ychydig o weinidogion yn ystyried gwahoddiad i ymuno â’r Bwrdd. Diolchwn i Dduw am eu parodrwydd i ysgwyddo’r cyfrifoldeb hwn ar ben eu gwaith bugeiliol. Gobeithiwn gyhoeddi manylion llawn y Bwrdd Rheoli yn fuan. Gwersylloedd a chynadleddau Aberystwyth Mae’r taflenni wedi eu rhannu a’r archebion yn cynyddu’n gyson. Er ein bod yn gallu nodi sawl calondid o ganlyniad i ymgyrch Caernarfon, cawsom ein hatgoffa yn ystod yr wythnos ein bod yn llwyr ddibynnol ar Dduw. Cafwyd sawl sgwrs gyfeillgar, ond ychydig oedd yn ceisio Duw o ddifrif. Yr un yw’r neges o bob rhan o’r wlad. Mae’n ein hatgoffa o’n hangen am i’r Ysbryd Glân weithio ym mhob dim yr ydym yn ei wneud. Gweddïwch dros bawb sy’n ymwneud â’n holl weithgareddau, y bydd Gair Duw yn ‘mynd rhagddo a chael ei ogoneddu’. Gweddiwch dros weindogion a phregethwyr Gair Duw Mae Paul yn ein hannog yn yr adnod uchod i weddïo drosto ef ei hun – dyn yr oedd Duw wediei ddewis i rannu’r Efengyl. Daliwch ati i weddïo dros y cannoedd o weinidogion a phregethwyrsy’n pregethu gair yr Arglwydd yn fyddlon trwy Gymru. Ymgyrch Cymru—Townhill, Abertawe, 19-24 Mai. 
Erbyn i’r llythyr gweddi yma ddod allan byddwn wedi gorffen gwaith yr ymgyrch. Bwriadwn wneud gwaith o ddrws i ddrws, gwaith ysgolion, cyfarfodydd plant, cyfarfodydd i deuluoedd a gwasanaethau yn y capel. Gweddïwch yn benodol dros y Gweinidog, Allan Rees ac aelodau’r eglwys wrth iddynt barhau a’r gwaith ar ol yr ymgyrch. Siaradwyr cynadleddau Aberystwyth, Gweddïwch y byddant yn profi arweiniad yr Arglwydd wrth baratoi eu hanerchiadau:
Bydd tîm efengylu yn cael ei arwain gan Roger Thomas ar y maes drwy’r wythnos (26-31 Mai). Cynhadledd y Gweinidogion (Saesneg) Daeth tua saith deg o weinidogion ynghyd i Fryn-y -groes, y Bala ar gyfer y gynhadledd flynyddol hon yn 2007. Eleni bydd Michael Haykin (Canada) yn annerch ar ‘Waith yr Ysbryd Glân’. Gweddïwch hefyd dros John Aaron, Martin Downes ac Ian Campbell wrth iddynt annerch, a thros y trafodaethau fin nos o dan arweiniad Stephen Clark. Mae rhaglen adnewyddu siopau llyfrau MEC yn parhau. Gweddïwch dros Brian Halliwell a Steve Potts wrth iddynt ailosod Siop Lyfrau Castell Nedd. Cynhadledd yn Aberystwyth i ddynion gyda’r pwyslais ar arweinyddiaeth ar Fehefin 28. Gwynn Williams, Stuart Olyott a Meirion Morris yw’r prif siaradwyr. Bwriad y gynhadledd yw cefnogi ac arwain dynion ifanc sy’n ysgwyddo cyfrifoldeb i arwain yn eu heglwysi lleol. • Mae angen golygydd ar gyfer The Evangelical Magazine. Diolchwn i John Legg ac Andy Christofides am lenwi’r bwlch ar hyn o bryd. 
• Stuart a Doll Olyott wrth iddynt symud i lannau Dyfrdwy.
Parhewch i weddïo dros holl waith y Mudiad wrth i ni fentro ar gyfnod hynod o brysur os gwelwch yn dda. Gweddïwch y bydd Duw yn ein harwain wrth i ni weithio er mwyn cyhoeddi’r newyddion gogoneddus am ein Harglwydd a’n Gwaredwr Iesu Grist ledled Cymru. |
|
|
|
|
